تنساك ولا تنادي بسمك عيالها

مانزل البعد قدرك يارفيع المقام ~ صورتك بالقلب لازالت على حالها

محبتك شوفها لاشفت حالي احطام ~ كسرت نفسي لها وامتدت اضلالها

من يوم حط الصبر من فوق ظهري سنام ~ واناارتجي للحمول واهدي جمالها

ان قالت الناس مابللك حلم الغمام ~ مانمت الى ودمعي كان همالها

اليوم طيرت في وجيه اليالي حمام ~ واحلامنا وقعت من دون منزالها

ان قلتلي يارقيق القلب وين الغرام ~ حبيت نعمته ثم حبيت زوالها

لاصار حبك حلال وصل حبك حرام ~ وش لون ترقا معك النفس بذلالها

خلاص خليني وخلي الجرح فيني ينام ~ ماعاد يقوى حمول القلب حمالها

ماقلت غير الكلام الي عليه الكلام ~ ولاامس عقدت لساني ضاع حلالها

مايلحق البنت شرهات وعتاب وملام ~ لاصارت ماهي مرتك ولاانت رجالها

وان طاح دمع الوداع وضاع مسك الختام ~ البعد كلمه وصح لسان من قالها

هذا وقدرك كبير ولك غلا واحترام ~ وفرقاك فالقلب فال الله ولافالها

للحين ماجفت دموع الغلا والهيام ~ على المحاجر وهم القلب يبرالها

ذكراك عدا عليا مال قلبي هيام ~ يعني حبيبتك ماتعطش على جالها

ان مت من بعدها تحيك بين العضام ~ تعيش في قلبها وتعيش في بالها

وتشوف محبوبتك بعد عشرين عام ~ تنساك ولاتنادي بسمك عيالها

تنساك ولاتنادي بسمك عيالها