اليوم حبيت اعطيكم طريقة عمل المعكرونة بلبن مممممم
اول شي المقادير
نصف كيلو لحمة مفرومة
بكيت معكرونة سباغيتي
كوب ونصف لبن رايب
لوز
صنوبر
بقدونس
ثوم
فلفل حار
بهار مخلوط + بهار فلفل اسود+ملح+زيت زيتون
طريقة التحضير:
طبعا بنكون مجهزين مي سخنة علشان نسلق المعكرونة فيها ولما نحط المعكرونة بنحط معلقة ملح
وشوية زيت زيتون على اساس ما تلزق المعكونة ببعضها
وبنترك المعكرونة على الغاز لحد ما تشوفوها انسلقت منيح يعني بدها 20 دقيقة بالراحة
بعدين لما تنسلق بنكب المي اللي عليه
وبنشطف المعكرونة بس ديرو بالكم تفعصوها
بعدين حطوها بالمصفاة وخلوها على جهة
بعد هيك بنجيب اللحمة بنقليها بزيت زيتون مع شوية ثوم وفلفل حار
ولما تنقلى منيح بنحط رشة ملح ورشة بهار مخلوط وفلفل اسود وبنتركهم دقيقتين على الغاز وبنشيلهم
هلا بنجيب المعكرونة بنفردها بجاط قزاز بايركس وبنجيب اللبن بنحطه فوقه ونحط رشة ملح صغيرة مع شوية ثوم مفرووم نااااااعم وفلفل حار برضه مفروووم نااعم نعموه قد ما بتقدرو وبنخلطهم كلهم ببعضهم لحد ما تصير كل المكونات انخلطت مع بعضها
بنجيب اللحمة وبنفردها على وجه المعكرونة وبعد هيك بنقلي اللوز والصنوبر وبرضه بنفرشهم على وجه اللحمة وبنفرم شوية بقدونس ناعم
وبنزين الاكل فيه
طبعا هيك الاكلة جهزت
ويا ريت تجربوها وتحكولي رايكم فيها
موضوع: معكرونة باللبن 
